Nuk falej pas tyre e as nuk iu fliste sepse kishin marrë pagë prej Sulltanit
Imam Ibn Kethiri, Allahu e mëshiroftë, tregon: ''Është transmetuar se Imam Ahmed (Ibn Hanbeli) nuk do të falej pas xhaxhait të tij, Is'hak Ibn Hanbelit, e as pas djemve të tij, e as nuk do t'iu fliste atyre sepse ata kishin marrë një pagë prej Sulltanit.''1
Burimi: ''El-Bidaje uen-Nihaje'', 14/386, dhe në ''Hilje El-Evlija'', 9/176.
Përktheu: Jetmir Jakupi
1. Me këtë vepër Imami i Sunnetit, Ahmed Ibn Hanbeli, Allahu e mëshiroftë, ka shprehur pakënaqësinë e tij dhe i ka dënuar këta familjarë të tij në këtë mënyrë, duke dashur t'ua bëjë me dije se nuk është e lejuar marrja e pagës prej Sulltanit, rrespektivisht se një gjë të tillë nuk duhet ta bëjë një hoxhë apo një dijetarë.
Kjo ngase është e njohur se ata dijetarë apo hoxhallarë që kanë marrë pagë nga sulltanët (mbretërit apo prijësit e shtetit), kur ka ardhur çështja tek haramet (tek veprat e ndaluara) që mbretërit kanë bërë, po ata dijetarë që kanë marrë pagë prej tyre, po të njëjtit iu kanë dalur në mbrojtje atyre mbretërve apo prijësave (i kanë arsyetuar për haramet e tyre).
Kjo ngase në interesin e tyre ka qenë të mbrojnë atë nga i cili edhe paguhen. Kjo ndodhë edhe në kohërat tona fatkeqësisht (shënim i përkthyesit).
No comments:
Post a Comment