Jo çdonjëri që ka mjekërr, konsiderohet prej Ehli Sunnetit

Jo çdonjëri që ka mjekërr, konsiderohet prej Ehli Sunnetit.

Jetmir Jakupi

1. Shejh Ibn Uthejmini, Allahu e mëshiroftë, thoshte: ''Jo çdonjëri që ka mjekërr, konsiderohet i besueshëm.'' (''Sherh Bulugh'', vëll.7, fq.74).

Çfarë do të bënin Gulatët (tepruesit në tekfir)...

A thua çfarë do të bënin dhe me fjalët e kujt do të argumentoheshin Gulatët (tepruesit në tekfir) të kohës sonë, po të mos egzistonin fare dijetarët e Nexhdit (Shejh Muhamed Ibn Abdul Vehabi dhe nxënësit/nipat e tij)?!

Shkruar nga: Jetmir Jakupi

1. Nuk është për qëllim nënçmimi i këtyre dijetarëve, por qëllimi është që të tregohet se edhe këta dijetarë sikurse edhe çdo njeri e dijetarë tjetër, kishin mirësi të mëdha por gjithashtu ata nuk ishin të pagabueshëm.
Është fatkeqësi e madhe që Gulatët (tepruesit në tekfir) të kohës sonë, gjithë bindjet e tyre i 'argumentojnë' vetëm me fjalët e këtyre dijetarëve, aty - këtu rrallë ndonjëherë përmendin fjalë të ndonjë dijetari tjetër.
Domethënë e kanë tepruar në pasimin verbërisht të tyre, edhepse vetë i ftojnë të tjerët në atë që të mos pasohen verbërisht dijetarët e katër medh'hebeve, edhepse vetë i ftojnë të tjerët në atë që të mos pasohen verbërisht dijetarët e kohës sonë, mirëpo ata vetë kanë rënë në ekstremin (teprimin) e pasimit verbërisht të dijetarëve të Nexhdit, saqë çdo vepër që ata e bëjnë e argumentojnë vetëm me fjalët dhe veprat e dijetarëve të Nexhdit dhe çdokush që i kundërshton këta imam (sipas tyre) është kafir pasiqë ka refuzuar të vërtetën!

Shejhul Islam Ibn Tejmije, Allahu e mëshiroftë, transmetohet se ka thënë: ''Dhe shumë njerëz kanë të njëjtin ekstremizëm (teprim) ndaj Shujukve (dijetarëve) të tyre, sikurse Shijat që e kanë ndaj Imamëve të tyre.'' (''Minhexh Es-Sunneh En-Nebeuije'', 6/430).

Allahu subhanehu ue teala, i udhëzoftë.

Shkruar nga: Jetmir Jakupi

Nuk pranuam që për një rrogë t'i ndryshojmë parimet tona

Ndoshta kaluam vështirësi të ndryshme në këtë jetë, por nuk pranuam që për një rrogë t'i ndryshojmë parimet tona.

Shkruar nga: Jetmir Jakupi

Sot shijon disa të mira, e nesër mund asgjë të mos kesh (posedosh)

Sot shijon disa të mira, e nesër mund asgjë të mos kesh (posedosh)

Është e çuditshme kur mundohet që të të këshillon e përmirëson ai i cili nga përvojat e tij të këqija kurrë nuk ka mësuar asgjë.
Ai i cili ende jeton nën hijen e të tjerëve - i cili ende pret nga të tjerët, ai i cili përkundër mundësive që i është dhënë kurrë nuk ka bërë diçka për veten e familjen e tij e aq ma pak për të tjerët.

Ai i cili e di mirë hallallin dhe haramin por prap me haram e ushqen familjen e tij, i cili i di obligimet ndaj Krijuesit por kurrë në sexhde nuk i bjen Atij. I cili është bukëpërmbysës dhe mosmirënjohës ndaj atyre që e ndihmuan dhe e ofruan në ditët e vështira.

I mbështetem Allahut subhanehu ue teala, i Cili thotë në Kur'an: ''Sigurisht që Ne do t'ju sprovojmë me frikë dhe uri, me dëmtim të pasurisë, të njerëzve dhe të të lashtave! Prandaj, përgëzoji të duruarit, të cilët, kur i godet ndonjë fatkeqësi thonë: ''Të Allahut jemi dhe vetëm tek Ai do të kthehemi!'' Ata do të shpërblehen me bekim dhe mëshirë nga Zoti i tyre; ata janë në rrugën e drejtë!'' (El-Bekare, 155).

''Sa e sa njeriu kaloj vështirësi, sot ke e nesër nuk ke (pasuri),
Më mjafton ti mbështetem Atij (Allahut), i Cili i hap rrugët e mirësisë.

E di që familjen time nuk e ushqej me haram, e di që atë që e posedoj - e posedoj tamam (sepse më takon dhe nuk e kërkoj atë që nuk është e imja),
Shfrytëzoje jetën duke qenë në rrugë të drejtë, se sot shijon disa të mira, e nesër mund asgjë të mos kesh (posedosh).''

Shkruar nga: Jetmir Jakupi

Ti pretendon se je armik i Shejtanit, por prap i bindesh atij!

Ti pretendon se je armik i Shejtanit, por prap i bindesh atij!

''Me të vërtetë, Shejtani është armik për ju, andaj trajtojeni atë si një armik! Ai vetëm i josh pasuesit e tij, që të bëhen banorë të zjarrit që flakëron.''1

Përktheu: Jetmir Jakupi

1. El-Fatir, 6.

Ata që e mohojnë hilafetin e Ebu Bekrit, Omerit dhe Uthmanit radiallahu anhum janë kafira

Ata që e mohojnë hilafetin e Ebu Bekrit, Omerit dhe Uthmanit radiallahu anhum janë kafira

Mulla Ali El-Kariu El-Hanefiu, ka thënë: ''Nëse dikush e refuzon hilafetin e Ebu Bekrit dhe Omerit (radiallahu anhum), ai duhet të konsiderohet kafir. Arsyeja për këtë është se hilafeti i tyre është vendosur nëpërmjet ixhmasë (konsensusit), pa asnjë mosmarrëveshje (kundërshtim).''

Imam Shah Abdul Aziz Dehleviu, Allahu e mëshiroftë, ka thënë: ''Imamitët (Shijat Ithna Asheri) e refuzojnë Hilafetin e Ebu Bekrit (radiallahu anhu), dhe është përmendur në librat e fikhut se secili i cili refuzon hilafetin e Ebu Bekrit, e refuzon ixhmanë (konsensusin) dhe bëhet kafir. Sipas fikhut Hanefi, vendimi Sheriatik i Shijave Imamitë është se ata janë murteda (femohues).''

Imam Enver Shah Kashmiri, Allahu e mëshiroftë, ka thënë: ''Shumica i kanë shpallur kafira ata të cilët e refuzojnë (nuk e pranojnë) Hilafetin e Ebu Bekrit. Nuk ka dallim në mendim se mohuesi i Hilafetit qoftë të Ebu Bekrit, Omerit ose Uthmanit (radiallahu anhum) është kafir.''

Imam Ibn Haxher El-Hejthemiu, Allahu e mëshiroftë, kur përmend mendimin e Imam Ebu Hanifes, Allahu e mëshiroftë, thotë: ''Është përmendur tashmë se dijetarët Hanefi e kanë gjykuar me kufër (mosbesim) atë i cili e mohon hilafetin e Ebu Bekrit dhe Omerit (radiallahu anhum). Ky vendim është përmendur në librat e tyre me hollësi ashtu sikurse është përmendur në ''El-Asl'' nga Imam Muhamed Ibn Hasan El-Shejbani (njëri nga nxënësit më të afërt të Imam Ebu Hanifes - Allahu e mëshiroftë).
Është e qartë se këtë (vendim) ata e kanë trashëguar nga Imami i tyre, Ebu Hanifja (Allahu e mëshiroftë) dhe ai di më shumë në lidhje me Rafiditë (i njeh më mirë ata dhe bindjet e tyre, sh.p.) ngase ai është prej Kufës dhe Kufa ishte zanafilla (origjina) dhe selia e Rafidive..''

Burimi: ''Sherh Fikh El-Ekber'', fq.198; ''Fetaua Azizije'', 358; ''Ikfar El-Mulhidin'', fq.51; ''El-Seuaik El-Muhrikah'', fq.362.

Përktheu: Jetmir Jakupi

Akuzat dhe shpifjet e Xhehmive dhe Rafidive ndaj sahabiut, Ebu Hurejres radiallahu anhu

Akuzat dhe shpifjet e Xhehmive dhe Rafidive ndaj sahabiut, Ebu Hurejres radiallahu anhu

Historikisht, transmetohet se Xhehmiu Bishr El-Marisi, ishte ndoshta i pari i cili pretendonte se Omer Ibn Hattabi radiallahu anhu, ka thënë se ''gënjeshtari më i madh në mesin e transmetuesve të hadithit është Ebu Hurejra.''

Ndaj kësaj shpifje Imam Darimiu, Allahu e mëshiroftë është përgjigjur: ''Si ka mundësi që Omeri (radiallahu anhu) ta akuzojë atë se ka gënjyer ndaj të Dërguarit të Allahut (salallahu alejhi ue selem), dhe (në të njëjtën kohë) ta vendosë atë në krye të posteve të rëndësishme?! Po të mendonte Omeri radiallahu anhu se (Ebu Hurejra radiallahu anhu) është i tillë sikurse (Xhehmiu Bishr El-Marisi) pretendonte, Omeri nuk do t'ia kishte besuar atij (Ebu Hurejrës) çështjet e Muslimanëve, duke e bërë atë përgjegjës (duke e vendosur atë në krye të posteve të rëndësishme).''

Gjithashtu, Imam Darimiu, Allahu e mëshiroftë retorikisht e pyet Xhehmiun Bishr El-Marisin: ''Po të ishe i sinqertë në pretendimin tënd, atëherë vë në dukje (na e paraqit neve) se kush e ka transmetuar një gjë të tillë?
Ti nuk do të jesh në gjendje të paraqitësh (tregosh) një transmetues të besueshëm.''1

Burimi: ''Red El-Imam El-Darimi Uthman Ibn Sa'ed ala Bishr El-Marisi El-Anid'', fq.132-135.

Përktheu: Jetmir Jakupi

1. Ditëve në vazhdim do të sjellim një temë e cila sqaron se pse Hanefitë dhe Imam Ibrahim En-Nehaiu kanë 'pasur rezerva ndaj haditheve të Ebu Hurejres radiallahu anhu'. Do të sqarohet se a ishte arsyeja pse mendonin se 'Ebu Hurejra ishte gënjeshtar' sikurse pretendon ky Xhehmiu Rafidi i kohës sonë dhe kundërshtimet e dijetarëve tjerë ndaj atyre që thonin se Ebu Hurejra radiallahu anhu nuk ishte fekih. (Shpjegim i Përkthyesit).

Çfarë mund të pritet nga Xhehmiu i kohës sonë përpos se t'i përcjellë fjalët e të parëve të tij

Çfarë mund të pritet nga Xhehmiu i kohës sonë përpos se t'i përcjellë fjalët e të parëve të tij

Xhehmiu i kohës sonë të cilit i janë pshtjellur shumë gjërat dhe herë pretendon të jetë Maturidi ('Hanefi'), e herë Mutezilij, e herë Shija (Rafidi) - i cili nuk la bindje e sekt të devijuar pa e provuar (i ka grumbulluar në vete më të këqijat e gjitha sekteve të devijuara), vazhdimisht ai me shokët e tij të cilët pretendojnë se janë Hanefi sillen rreth sulmimit të Medh'hebit Hanbeli, të Imamit të Medh'hebit - Ahmed Ibn Hanbelit dhe veçanërisht nxënësve dhe dijetarëve të mëdhenjë të këtij Medh'hebi.

Transmetohet nga Imam Dhehebiu, se xhehmiu Muhamed Ibn Shuxha (i vdekur më 266 H) thoshte për Imam Ahmed Ibn Hanbelin: ''Ahmed Ibn Hanbeli ka libra të herezisë.''

Ai gjithashtu thoshte: ''Pasuesit e Ahmed Ibn Hanbelit duhet të therren.''

Imam Ibn Adij, Allahu e mëshiroftë thoshte për të (për Muhamed Ibn Shuxhën): ''Ai kishte zakon t'i atribuonte haditheve teshbihun dhe pastaj i cilësonte Ehlul Hadithin (njerëzit e hadithit) se kanë teshbih.''1

Transmetohet nga Imam El-Mizi dhe nga Imam Dhehebiu, Allahu i mëshiroftë: ''Muhamed Ibn Shuxha El-Bagdadi El-Hanefij, ai ishte një Xhehmi i cili thoshte se fjala e Allahut është e krijuar, Imam Ahmed (Ibn Hanbeli) e ka shpallur atë bidatçi, (Imam) Ibn Adij ka thënë se ai shpikte (sajonte) transmetime (hadithe) që të sulmonte Muhadithët (Dijetarët e Hadithit).
Es-Saxhi ka thënë se ai do të shpikte (sajonte) Hadithe për të mbështetur Medh'hebin e tij dhe të refuzonte Hadithe (tjera).''

Burimi: ''Tehdhib El-Kemal'', vëll.6, fq.344 nga Imam El-Mizi, dhe ''Mizan El-I'tidal'', vëll.3, fq.578 nga Imam Dhehebiu.

Shkruar nga: Jetmir Jakupi

1. http://jetmirjakupi.blogspot.mk/2015/01/cka-konsiderohet-teshbih-dhe-texhsim.html

Për çfarë arsye dëshironi të më vrisni mua?!

''Betohem në Allahun, unë nuk kam bërë zina (imoralitet) para apo pas pranimit të Islamit, e as nuk kam dashur ndonjëherë ndonjë fe tjetër qëkur Allahu më ka udhëzuar, e as që kam vrarë ndonjëherë ndonjë. Kështu që për çfarë arsye dëshironi të më vrisni mua?!''

Uthman Ibn Affani, radiallahu anhu me këto fjalë iu është drejtuar Hauarixhëve të cilët dëshironin ta vrisnin atë.

Burimimi: ''Sunen En-Nesai'', 4019; ''Sunen Ebi-Davud'', 4502; ''El-Musned'', 1/63. Shejh Ahmed Shakir, Allahu e mëshiroftë, ka thënë se zinxhiri i transmetimit është i saktë.

Përktheu: Jetmir Jakupi

Ti refuzon që ti bësh katër sexhde!

''Iblisi (Shejtani) refuzoi që të bën një sexhde të vetme. Çdo namaz të sabahut të cilin ti e humb (nuk e fal), ti refuzon që ti bësh katër sexhde!''

Përktheu: Jetmir Jakupi

Gabimet e Imam Abdurrahman Ibnul Xheuzit dhe librit të tij ''Flakja e dyshimeve të Teshbihizmit'' (Def Shubah Et-Teshbih)

Gabimet e Imam Abdurrahman Ibnul Xheuzit dhe librit të tij ''Flakja e dyshimeve të Teshbihizmit'' (Def Shubah Et-Teshbih)

Dijetari i madh, asketi Shejh Ebu El-Fadl Is'hak Ibn Ahmed El-Ulthi, i cili ishte edhe bashkëkohas i Imam Abdurrahman Ibnul Xheuzit, i kishte shkruar një letër këshillimi drejtuar atij. Letra është më e gjatë por ne do të cekim disa nga fjalët e këtij dijetari në të cilat përmenden gabimet e Imam Abdurrahman Ibnul Xheuzit - autorit të librit ''Flakja e dyshimeve të Teshbihizmit'' e që ato bindje që ai i shfaq në këtë libër ia mveshte (atribuonte) padrejtësisht Imamit të Sunnetit, Ahmed Ibn Hanbelit, Allahu e mëshiroftë, libër ky me të cilin bidatçitë e kohërave të ndryshme e edhe të kohës sonë mundohen të argumentohen se ajo që shfaqet në këtë libër është besim i Imam Ahmed Ibn Hanbelit, ndërsa në realitet Imami ishte i pastër nga kjo.

Shejh Ebu El-Fadl Is'hak Ibn Ahmedi, përmend se si ai dhe dijetarët më të mëdhenjë Hanbeli të kohës së Ibnul Xheuzit, të gjithë ia kishin kthyer shpinën dhe e kundërshtonin atë në lidhje me gabimet e tij në lidhje me Cilësitë e Allahut subhanehu ue teala.

Shejh Ebu El-Fadl Is'hak Ibn Ahmedi, i thotë: ''Dije se refuzimi i Dijetarëve, më të nderuarit (më të respektuarit), dhe më të mirët nga mesi i tyre kundër teje janë rritur, për shkak të thënieve (qëndrimeve) tua të korruptuara në lidhje me Cilësitë (e Allahut), dhe ata e kanë sqaruar dobësinë në thënien tënde, dhe ata përmendin në lidhje me ty se ti e ke refuzuar këshillën (e tyre)..''

Shejhu vazhdon e thotë: ''Dhe ne shohim se ti pohon diçka dhe pastaj e mohon atë, dhe ti thua: ''Kështu dhe kështu ka thënë'', dhe ia mvesh (atribuon) atë Imamit tonë Ahmedit (Ibn Hanbelit) Allahu qoftë i kënaqur me të - dhe mënyra e tij është e njohur mirë në atë e që është heshtja në lidhje me të ngjashmet si kjo (çështje), dhe ajo është që të mos shpjegohen, më saktë ai i ka saktësuar hadithet dhe ka ndaluar nga intrepretimi figurativ i tyre.''

Shejhu vazhdon e ndër të tjera thotë: ''Kjo nuk është rruga e Imamit të madh, Ahmed Ibn Hanbelit, Allahu e shenjtëroftë shpirtin e tij. Kështuqë, nuk është e mundur për ty që ti atribuohesh atij me këtë (qasje), kështuqë zgjidh një rrugë për veten tënde, nëse je në gjendje, dhe ti na i ke nxirë fytyrat tona me këto thënie të korruptuara, duke e izoluar veten tënde, sikur të jesh një tiran në mesin e tiranëve...''1

Burimi: ''Dhejl Tabekat El-Hanebile'', 3/446 nga Imami i madh Hanbeli, Ibn Rexheb El-Hanbeliu, Allahu e mëshiroftë.

Përktheu: Jetmir Jakupi

1. Imam Abdurrahman Ibnul Xheuzi me gjithë respektin për dijen dhe kontributin e madh të tij por sikurse shihet në tekstin e mësipërm në lidhje me gabimet e tij në Cilësitë e Allahut subhanehu ue teala është kundërshtuar nga dijetarët me te mëdhenjë Hanbeli të kohës së tij, gjithashtu edhe nga imam të tjerë si Ibn El-Kadisi, Ibn Kudame El-Makdisi, Ibn Rexheb El-Hanbeliu, Shejhul Islam Ibn Tejmije dhe të tjerë dhe qëndrimi i tij në lidhje me Cilësitë e Allahut subhanehu ue teala ishte i gabuar dhe nuk ishte qëndrim i Imam Ahmed Ibn Hanbelit sikurse mundohet t'ia mvesh (atribuon) atij në librat ''Flakja e dyshimeve të Teshbihizmit (Def Shubah Et-Teshbih)'', dhe në librin ''Sejdul Hatir'' e të ngjashme ku flet në lidhje me këtë tematikë. Allahu e mëshiroftë atë dhe neve. (Shpjegim i Përkthyesit).

Qëndrimi tejet armiqësor i Imam Abdurrahman Ibnul Xheuzit ndaj Esharive

Qëndrimi tejet armiqësor i Imam Abdurrahman Ibnul Xheuzit ndaj Esharive

Imam Ibn Kethiri, Allahu e mëshiroftë, tregon: ''Ibnul Xheuzi përmend në këtë vit, në ''El-Muntedhem'', vdekjen e (Ebul Hasen) El-Eshariut, në të cilin foli keq (ashpër) për të, duke e përçmuar (atë) në përputhje me kritikat e zakonshme të Hanbelive drejtuar drejt Esharive, në të kaluarën dhe në të tashmen.''1

Burimi: ''El-Bidaje uen-Nihaje'', 11/206, nga Imam Ibn Kethiri.

Përktheu: Jetmir Jakupi

1. Imam Abdurrahman Ibnul Xheuzi (autori i librit ''Flakja e dyshimeve të Teshbihizmit'' (Def Shubah Et-Teshbih), Allahu e mëshiroftë kishte edhe thënie tjera kundër Esharive, por nuk dëshirojmë ti lodhim lexuesit me shkrime të gjata, andaj mjafton kjo thënie që të kuptohet se edhe pse Imam Abdurrahman Ibnul Xheuzi pajtohej me ta në ndonjë çështje, ai në shumë çështje të tjera i kundërshtonte ashpër ata. Këto thënie kundër tyre mundohen me shpirt bidatçitë që ti fshehin dhe i publikojnë vetëm ato thënie që janë pro tyre. Siç thoshte Shejh Albani, Allahu e mëshiroftë: ''Njerëzit e epsheve (bidatçitë); prej shenjave të tyre është se ata përmendin atë çka është në dobi të tyre dhe e fshehin atë që është kundër tyre.'' (Shpjegim i Përkthyesit).

Kur debati humbet, shpifja bëhet mjet i humbësit

''Kur debati humbet, shpifja bëhet mjet i humbësit.''

Përktheu: Jetmir Jakupi

Argumentimi i grupeve të devijuara me Imam Abdurrahman Ibnul Xheuzin

''Argumentimi i disa Esharive, Maturidive e Sufive me fjalët e Imam Abdurrahman Ibnul Xheuzit kundër Ehli Sunnetit (që ata e quajnë Vehabizëm) është prej injorancës më të madhe pasiqë kjo tregon se këta njerëz fare nuk kanë idenë për kundërshtimet e rrepta që ky Imam ua bën pikërisht këtyre grupeve, edhe nëse pajtohet me ta në ndonjë çështje.''1

Shkruar nga: Jetmir Jakupi

1. Në ditët në vazhdim do të sjellim disa nga fjalët e këtij Imami kundër këtyre grupeve të devijuara, dhe gjithashtu edhe fjalët e disa prej dijetarëve të mëdhenjë Hanbeli dhe Shafi kundrejt gabimeve të Imam Abdurrahman Ibnul Xheuzit në lidhje me Emrat dhe Cilësitë e Allahut subhanehu ue teala, dhe librit të tij ''Flakja e dyshimeve të Teshbihizmit (Def Shubah Et-Teshbih), me të cilin krenohen grupet e devijuara të lartpërmendura.'' (Shpjegim i Përkthyesit).

Ju jeni ata që e keni besimin e Faraonit e ne të Musait alejhi selam

Ju jeni ata që e keni besimin e Faraonit e ne të Musait alejhi selam

Në lidhje me ajetin Kur'anor: ''O Haman, ndërtoma një kullë që t'i arrij rrugët, rrugët e qiellit e të shohë Zotin e Musait. Por vërtetë, unë mendojë se ai (Musai) është gënjeshtarë.'' (Gafir, 36-37).

Imam Ibn Abdul Berri, Allahu e mëshiroftë, ka thënë: ''Pra, kjo dëshmon se Musai alejhi selam, thoshte: ''Zoti im është mbi Qiell'', dhe Faraoni mendonte se ai (Musai alejhi selam) po gënjen.''1

Imam Ibn Xherir Et-Taberiu, Allahu e mëshiroftë, ka thënë: ''Thënia e tij (Faraonit): 'Unë mendojë se Musai është duke gënjyer në atë që ai e thotë dhe pretendon se ai ka një Zot Mbi Qiejt i Cili e ka dërguar atë tek ne.''2

Shejhul Islam Ebu Uthman Es-Sabuni, Allahu e mëshiroftë, ka thënë: ''Dhe Allahu, subhaneh, ka treguar për Faraonin e mallkuar se ai i tha Hamanit: ''O Haman, ndërtoma një kullë që t'i arrij rrugët, rrugët e qiellit e të shohë Zotin e Musait. Por vërtetë, unë mendojë se ai (Musai) është gënjeshtarë.''; dhe ai tha këtë, sepse ai ndëgjoi Musain alejhi selam, duke përmendur se Zoti i tij është Mbi Qiell, a nuk e shihni se ai (Faraoni) tha: ''Por vërtetë, unë mendojë se ai (Musai) është gënjeshtarë.'', domethënë për thënien e Musait: 'Ka një perëndi (Zot) Mbi Qiell.'
Dhe Dijetarët e Ummetit, dhe Imamët e Selefit - Allahu pastë mëshirë mbi ta - nuk kanë dalluar (nuk kanë pasur mendim ndryshe) në atë se Allahu Teala është Mbi Arshin e Tij, dhe se Arshi i Tij është Mbi Qiejt e Tij.''3

Përktheu: Jetmir Jakupi

1. ''Et-Temhid'', 7/133, të Imam Ibn Abdul Berrit, Allahu e mëshiroftë.
2. ''Tefsir Et-Taberi'', 21/387.
3. ''Akide Es-Selef Ashab El-Hadith'', fq.176, të Shejhul Islam Ebu Uthman Es-Sabunit, Allahu e mëshiroftë.
4. Grupacionet e devijuara sikurse Xhehmitë, Esharitë e Maturiditë pretendojnë për ne se e kemi besimin e Faraonit. Në realitet janë vetë ata që e kanë besimin e Faraonit, sepse ne besojmë si Musai alejhi selam se Zoti ynë është Mbi Qiejt, Mbi Arshin e Tij, sikurse u sqarua nga fjalët e dijetarëve më sipër. (Shpjegim i Përkthyesit).

Nëse bën ndonjë lëshim/gabim sado i vogël që të jetë e ti nuk je në dijeni për të

''Nëse bën ndonjë lëshim/gabim sado i vogël që të jetë e ti nuk je në dijeni për të, mos u merakos.
Në fejsbuk çdo i dyti është bërë 'Hoxhë', gjithsesi ndonjë prej tyre menjëherë reagon e të 'përmirëson'.''

Shkruar nga: Jetmir Jakupi

Gruaja do të jetë në Xhennet me burrin e saj të fundit

Gruaja do të jetë në Xhennet me burrin e saj të fundit

''Pikëpamja se një grua do të jetë me burrin i cili ishte më i mirë në karakter dhe në sjellje me të në këtë botë nuk ka asnjë argument të saktë (sahih) për ta mbështetur atë.

Pikëpamja se një grua do të ketë mundësinë që të zgjedhë se me cilin burrë ajo dëshiron të jetë (nga ata me të cilët ka qenë e martuar) nuk ka argument për ta mbështetur fare atë.

Pikëpamja më e mirë dhe më e saktë është se ajo do të jetë me burrin e saj të fundit.

Shejh Muhamed Salih El-Munexhid, Allahu e ruajtë.

Përktheu: Jetmir Jakupi

Nuk di për vete, e ju bën davet të tjerëve!

''Në kohën tonë fatkeqësisht, edhe ai që nuk di për veten e tij ju bën davet (thirrje në Islam) të tjerëve!''

Shkruar nga: Jetmir Jakupi

Në qoftë se nuk e ke falur, atëherë nuk je i vetmi...

''A e ke falur namazin sot? Në qoftë se nuk e ke falur, atëherë nuk je i vetmi.. Shejtani nuk e ka falur gjithashtu, dhe as qafirat (jobesimtarët)!''

Përktheu: Jetmir Jakupi

Kjo është gjendja reale në Siri

''Kjo nuk është një skenë nga ndonjë film i Hollivudit. Kjo është gjendja reale në Siri. Allahu subhanehu ue teala, iu ndihmoftë.

''Sigurisht, Ndihma e Allahut është afër!''1

Përktheu: Jetmir Jakupi

1. El-Bekare, 214.

Por ata ju largojnë nga ata që janë ulur afër juve!

''Telefonat celular ju sjellin më afër personit që është larg nga ju. Por ata ju largojnë nga ata që janë ulur afër juve!''

Përktheu: Jetmir Jakupi

Mbulesa për para

''Po të ishte e vërtetë që dikush jep para që femrat shqipëtare të mbulohen, do të mbuloheshin edhe shumë meshkuj shqipëtarë, pasiqë imani (besimi) i disave është vetëm tek paraja - prandaj i sheh disa të cilët mendojnë se askush nuk mundet ta bëjë asnjë vepër për hirë të Zotit por vetëm për shkak të parasë - kjo për shkak se disa njerëz mendojnë se edhe të tjerët janë sikurse ata vetë.''

''Thuaju besimtareve që të ulin shikimet e tyre (nga e ndaluara), ta ruajnë nderin e tyre (nga marrëdhëniet e jashtëligjshme) dhe të mos i shfaqin stolitë e tyre, përveç atyre që janë të dukshme. Le t'i mbulojnë kraharoret me mbulesat e tyre (të kokës) dhe të mos ua shfaqin stolitë e tyre...''1

Shkruar nga: Jetmir Jakupi

1. En-Nur, 31.

Bëhu gati për luftë me Allahun dhe të Dërguarin e Tij!

Bëhu gati për luftë me Allahun dhe të Dërguarin e Tij!

Transmetohet se Ibn Abbasi (radiallahu anhu) ka thënë: ''Do t'i thuhet në Ditën e Ringjalljes atij që e ka konsumuar (që e ha) kamatën: ''Merre armën tënde për luftë.'' Pastaj ai e recitoi ajetin:
''Dhe në qoftë se ju nuk e bëni këtë, atëherë iu është shpallur luftë nga Allahu dhe i Dërguari i Tij.'' (El-Bekare, 279).

Burimi: ''Tefsir Ibn Kethir'', 2/657.

Përktheu: Jetmir Jakupi

Njerëzit janë dy llojesh - kërkues të diturisë dhe kërkues të dunjasë

''Njerëzit janë dy llojesh: kërkues të fesë (të diturisë) dhe kërkues të dunjasë.''

Shejhul Islam Ibn Tejmije, Allahu e mëshiroftë.

Burimi: ''Mexhmu El-Fetua'', 11/620.

Përktheu: Jetmir Jakupi

Mos e humbisni namazin e ardhshëm

''Pa marrë parasysh se sa shumë namaze i keni humbur (nuk i keni falur) deri tash, mos e humbisni namazin e ardhshëm!''

Përktheu: Jetmir Jakupi

Të butë dhe të përulur ndaj besimtarëve dhe të ashpër ndaj jobesimtarëve

Të butë dhe të përulur ndaj besimtarëve dhe të ashpër ndaj jobesimtarëve

''O ju që besuat! Kushdo nga mesi juaj që ia kthen shpinën (largohet prej) fesë së tij (Islamit), dijeni se Allahu do të sjellë njerëz që Ai i do dhe që ata e duan; të përulur ndaj besimtarëve dhe të ashpër ndaj jobesimtarëve; që luftojnë (përpiqen) në rrugën e Allahut dhe nuk i tremben qortimit të asnjë qortuesi.'' (El-Maide, 54).

Shejh Muhamed Salih El-Munexhid, Allahu e ruajt thotë:

''Në këtë ajet Allahu i përshkruan cilësitë e atyre që Ai i do, e para prej të cilave është: përulësia dhe jo të qenit arrogant ndaj Muslimanëve, dhe të qenit i ashpër ndaj jobesimtarëve, dhe jo të përul apo poshtëron veten para tyre.
Ata (të cilët Allahu i do) përpiqen për hirë të Allahut kundër Shejtanit, jobesimtarëve, munafikëve dhe zullumqarëve, dhe ata përpiqen kundër nefsit (vetës) së tyre. Ata nuk frikësohen nga qortimet (fajësimet) e asnjë qortuesi, për shkak se për aq kohë sa ata janë duke ndjekur urdhërat e fesë së tyre, ai nuk do të brengoset për askë që e përqeshë apo e fajëson (qorton) atë.''

Përktheu: Jetmir Jakupi

Nëse i bindesh shumicës së njerëzve që gjenden në tokë

Me pyeti një vëlla se a thua pse disa hoxhallarë kanë më shumë pëlqime, komente e ndjekës në fejsbuk dhe youtube e kështu me rradhë se sa disa të tjerë edhe pse nuk i përmbahen fesë ashtu siç Allahu subhanehu ue teala dhe i Dërguari i Tij salallahu alejhi ue selem na kanë porositur?

Përgjigja është shumë e thjeshtë:

1. Ngase ua bëjnë rrafsh të gjithëve - ua lehtësojnë haramet secilit që dëshiron ta bën një haram. Me cilindo që të ulen, ia gjejnë zgjidhjen edhe nëse ajo zgjidhje është kundër fesë Islame, dhe njerëzit gjithmonë i duan ata që ua lehtësojnë haramet.

2. Numri i madh i ndjekësve, likeve (pëlqimeve) e komenteve e kështu me rradhë nuk do të thotë se i tilli është në hak (në të drejtë). Shejtani ka më shumë pasues por kjo nuk e bën atë të jetë në hak.
Pasuesit e feve tjera në botë janë në numër më të madh se pasuesit e fesë Islame por kjo nuk i bën ata të jenë në hak.
Allahu subhanehu ue teala, kur flet për shumicën e njerëzve në Kur'an në disa ajete thotë:

''Nëse i bindesh shumicës së njerëzve që gjenden në tokë, ata do të të shmangin nga rruga e Allahut. Ata ndjekin vetëm hamendjet. Ata vetëm gënjejnë.'' (El-En'am, 116).

Allahu subhanehu ue teala, i ruajt nga sherri i keqbërësve vëllezërit tanë të cilët e shpjegojnë Islamin ashtu siç është e jo ashtu siç e duan të tjerët vetëm e vetëm për t'u krenuar me numrin e madh të likeve (pëlqimeve) e ndjekësve.

Shkruar nga: Jetmir Jakupi

Imam Dhehebiu në lidhje me shirkun që njerëzit e bënin tek varri i Zonjës Nefise Bint Hasan

Imam Dhehebiu në lidhje me shirkun që njerëzit e bënin tek varri i Zonjës Nefise Bint Hasan

Është praktikë e të devijuarve që të hulumtojnë dhe mundohen me çdo kusht të gjejnë fjalë të dijetarëve në mënyrë që të mbrojnë devijimet e tyre, në mënyrë që t'ju thojnë të tjerëve ja ne po i pasojmë imamët.
Kemi parë të tillët të cilët e marrin një fjalë të një imami për një çështje të caktuar dhe i fshehin fjalët tjera të tij në po të njëjtën çështje. Pra e marrin atë fjalë që ju konvenon, mirëpo i fshehin pastaj sqarimet që po i njëjti imam i thotë.

Imam Dhehebiu, Allahu e mëshiroftë atyre të cilët pretendonin se duaja pranohet afër varreve për shkak të banorëve të varreve iu përgjigjet: ''Duaja pranohet afër varreve të Profetëve, Eulijave dhe vendeve tjera të bekuara. Por ARSYEJA E PRANIMIT të duasë është në khushunë (përulësinë) dhe në qarjen e tij.''

Imami në lidhje me të devijuarit të cilët kërkonin ndihmë nga njerëzit e drejtë, thotë në lidhje me Zonjën Nefise dhe shirkun që njerëzit e bënin tek varri i saj: ''Dhe injorantët nga mesi i Egjiptianëve kanë besim në atë që është përtej përshkrimit, dhe është e palejueshme (për të mbajtur besim të tillë) për shkak të Shirkut që është në të, dhe ata i bëjnë sexhde varrit të saj dhe kërkojnë istigfar (falje) prej saj si ai (besimi) i mushrikëve (idhujtarëve).''

Burimi: ''Sijer E'Alam En-Nubela'', 17/77; 10/106 nga Imam Dhehebiu, Allahu e mëshiroftë.

Përktheu: Jetmir Jakupi

Ose ne e godasim atë ose ai na vë në gjumë

''Namazi i Sabahut është raundi ynë i parë kundër Shejtanit, ose ne e godasim atë ose ai na vë në gjumë.''

Përktheu: Jetmir Jakupi

Nëna e tij e barti atë me mundim

Herën tjetër kur nëna juaj të ketë nevojë për ndihmë që të bart qeset (torbat), kujtoji ajetet:

''Nëna e tij e barti atë me mundim.'' (El-Ahkaf, 15).

''Nëna e ka bartur atë, duke duruar mundim pas mundimi.'' (Lukman, 14).

Përktheu: Jetmir Jakupi

Ata që i burgosin dhe torturojnë Muslimanët

''Një grua shkoi (u dërgua) në Xhehennem për shkak se e mbylli (burgosi) një mace, imagjinoni fatin e atyre që i torturojnë dhe i burgosin njerëzit e La ilahe ila Allah.''

Shejh Ahmed Musa Xhibril

Përktheu: Jetmir Jakupi

Sa të mrekullueshëm janë ata të cilët sot thërrasin në Sunnet

''Sa të mrekullueshëm janë ata të cilët sot thërrasin në Sunnet. Edhe më të mrekullueshëm janë ata të cilët i përgjigjen (thirrjes) dhe e pranojnë Sunnetin.''

Imam Junus Ibn Ubejdi, Allahu e mëshiroftë.

Burimi: ''El-Hilje'', 3/21 nga Imam Ebu Nuajmi; ''El-Ibane El-Kubra'', nr.20 nga Imam Ibn Bata; ''Es-Sunneh'', nr.21-23 nga Imam Lalikai.

Përktheu: Jetmir Jakupi

Mos e vono pendimin sepse me të vërtetë vdekja mund të vijë papritur

''O biri im! Mos e vono pendimin sepse me të vërtetë vdekja mund të vijë papritur.''

Këshillë e Llukmanit alejhi selam drejtuar birit të tij.

Burimi: ''Shu'ab El-Iman'', nr.6701 nga Imam Bejhekiu, Allahu e mëshiroftë.

Përktheu: Jetmir Jakupi

Do ta dini se Kijameti është afër atëherë kur është normale të jesh i pamoralshëm

''Do ta dini se Kijameti është afër atëherë kur është gjë normale të jesh i pamoralshëm.''

Përktheu: Jetmir Jakupi

Kur ju bini në dashuri në diçka haram, ju do ta humbni aftësinë tuaj për të dashur hallallin

''Kur ju bini në dashuri në diçka haram, ju do ta humbni aftësinë tuaj për të dashur hallallin.''

Përktheu: Jetmir Jakupi

Zoti juaj po ju paralajmëron juve (po ua tërhjekë vërejtjen)!

Zoti juaj po ju paralajmëron juve (po ua tërhjekë vërejtjen)!

Nuk është koha për panik por është koha për pendim e për dua (lutje). Nga caktimi i Allahut subhanehu ue teala nuk mund të ikë askush e as askush nuk mund të shpëtojë nga dënimi i Tij.

Derisa ezani thërret, një pjesë e madhe e njerëzve qëndrojnë në rrugë nga frika se do të ndodhë sërish tërmet, mirëpo shumica prej tyre nuk e kanë frikë Atë që e dërgon tërmetin, e as që bëhen gati që t'i biejnë në sexhde Atij (të falin namazin). Na ka mbuluar e keqja në tëra anët, njerëzit i bëjnë veprat e këqija dhe fare nuk brengosen, e mandej të hutuar pyesin: 'Pse po na ndodhin këto të këqija neve?!'

Përderisa je i tillë, dije se edhe nëse ndodhë sërish ndonjë tërmet ti ndoshta mund të shpëtosh nga ai, mirëpo nuk ke shpëtim nga Allahu subhanehu ue teala sepse një ditë do të dalësh para Tij dhe do të përgjigjesh për çdo të keqe që ke vepruar në këtë botë.

Shejh Ibn Kajjim El-Xheuzi, Allahu e mëshiroftë, ka thënë: ''Allahu ndonjëherë i jep tokës leje që të marrë frymë, e cila është kur ndodhin tërmete të mëdha; kjo i bën njerëzit që të ndjehen të frikësuar, kështu që ata pendohen, hjekin dorë nga gjynahet, i luten Allahut dhe ndjejnë keqardhje (për gjynahet e tyre).
Kur ka pasur ndonjë tërmet, disa nga Selefët (të parët tanë të mirë) kanë thënë: Zoti juaj po ju paralajmëron juve (po ua tërhjekë vërejtjen).
Kur Medina ishte goditur nga një tërmet, Omer Ibn Hattabi, radiallahu anhu, iu kishte drejtuar njerëzve dhe kishte thënë: ''Në qoftë se ka (nëse ndodhë) edhe një tjetër tërmet, unë nuk do të qëndroj këtu me juve.''1

Shkruar nga: Jetmir Jakupi

1. ''Miftah Der El-Se'ada'', 1/221.

Cili prej ulemave të cilët i referohen shumë Sufitë, thoshte se Allahu do ta ulë Profetin në Arshin e Tij?

Cili prej ulemave të cilët i referohen shumë Sufitë, thoshte se Allahu do ta ulë Profetin në Arshin e Tij?

Shejh Abdul Kadir Xhejlani, Allahu e mëshiroftë, transmetohet se ka thënë: ''Ehli Sunneti besojnë se Allahu e ka zgjedhur të Dërguarin dhe Profetin e Tij mbi të gjithë Profetët dhe të Dërguarit e tjerë që të ulet me Të mbi Arshin e Tij në Ditën e Gjykimit.''1

Çfarë do të thonë Sufitë Barelvi dhe Deobanditë, veçanërisht pasuesit e tarikatit Kadiri në lidhje me thënien e këtij imami!2

Burimi: ''El-Ghunje'', 1/105 të Shejh Abdul Kadir Xhejlaniut, Allahu e mëshiroftë.

Përktheu: Jetmir Jakupi

1. Edhe pse e kemi cekur në tema tjera ky nuk është qëndrimi i saktë dhe ne nuk i takojmë këtij mendimi sikurse mund të lexoni në temën në linkun në vazhdim: http://jetmirjakupi.blogspot.mk/2016/09/a-ishte-vetem-ibn-tejmija-ai-qe-e.html
2. Nëse bidatçitë polemizojnë se a i atribohet saktë ky libër këtij Shejhu, e sjellim fjalën e Imam Ibn Kethirit, Allahu e mëshiroftë, i cili ndër të tjera thotë për Shejh Abdul Kadir Xhejlanin: ''Ai ishte i drejtë dhe i devotshëm, dhe i shkroi librat e quajtur ''El-Ghunje'' dhe ''Futuh El-Ghajb'', në të cilat ka gjëra të mira dhe në të cilat gjithashtu citohen hadithe të dobëta dhe të shpikura..'' ( ''El-Bidaje uen-Nihaje'', 12/768). (Shpjegime të Përkthyesit).

A ishte vetëm Ibn Tejmija ai që e saktësonte thënien e Imam Muxhahidit rreth uljes së Profetit në Arsh?

A ishte vetëm Ibn Tejmija ai që e saktësonte thënien e Imam Muxhahidit rreth uljes së Profetit në Arsh?

Grupacionet e devijuara e kundërshtojnë dhe e akuzojnë Shejhul Islam Ibn Tejmijen se ai ishte i vetmi që thoshte se thënia e Imam Muxhahidit se Allahu do të lë vend për Profetin salallahu alejhi ue selem që të ulet në Arsh, mirëpo kjo gjë nuk është e vërtetë.
Më saktë, dijetarët nuk kanë qenë gjithë të një mendimi sikurse do ta sqarojmë në vazhdim në lidhje me komentimin e ajetit 79 të sures El-Isra, respektivisht ajetin: ''Është e vërtetë se Zoti yt do të të vendosë ty në El-Mekam El-Mahmud (në një vend të lavdëruar).''

Sipas mendimit më të saktë, mendim të cilin edhe ne e pasojmë - 'El-Mekam El-Mahmud' është për qëllim ndërmjetësimi i madh që do t'i jepet Muhamedit salallahu alejhi ue selem në Ditën e Gjykimit për këtë Ummet dhe ky është mendimi i shumicës së komentuesve të Kur'anit dhe dijetarëve.

Fillimisht vlen të ceket se Imam Muxhahidi, Allahu e mëshiroftë ishte prej tabi'inëve dhe fillimisht këtij Imami i atribohet thënia 'Allahu do ta ulë Pejgamberin me Të në Arshin e Tij.'

Në lidhje me këtë thënie nga Imam Muxhahidi, Allahu e mëshiroftë dijetarët kanë polemizuar fillimisht se a i ka thënë ky Imam vërtetë këto fjalë dhe për këtë dy mendime:

1. Një grup i dijetarëve kanë thënë se kjo thënie i atribuohet gabimisht Imamit - pra nuk i ka thënë këto fjalë dhe se ky qëndrim është i gabuar.
2. Një grup i dijetarëve kanë thënë se këto fjalë vërtetë i ka thënë Imam Muxhahidi dhe vetë ata kanë qenë të këtij mendimi.

Imam Ibn Haxher Eskalani, Allahu e mëshiroftë, ka thënë: ''(Imam Abdurrahman) Ibnul Xheuzi ka thënë: ''Shumica e (dijetarëve) janë të mendimit se El-Mekam El-Mahmud do të thotë Shefati (ndërmjetësimi). Është thënë: ''Është ulja në Arsh.'' Është thënë gjithashtu: ''Është ulja në Kursi.''
Një grup (i dijetarëve) i kanë përmendur këto dy thënie. Nëse ato (thënie) vërtetohen atëherë ato nuk janë në kundërshtim me thënien e parë (domethënë se nënkupton ndërmjetësimin), sepse është një mundësi se Ulja nënkupton lejimin e ndërmjetësimit, dhe gjithashtu është e mundur se Ulja është në të vërtetë Ndërmjetësimi sikurse është e njohur dhe Ulja në të vërtetë është një gjendje që është el-uasiletu uel-fadileh.''1

Pra, jo vetëmse Ibnul Xheuzi po tregon se është mendimi i tillë në mesin e një grupi të dijetarëve, por ai gjithashtu po thotë se ky mendim nuk është kundër mendimit të shumicës së dijetarëve! Pra, këta që akuzojnë Shejhul Islam Ibn Tejmijen, tash duhet ta akuzojnë edhe Ibnul Xheuzin që jetoi 200 vite para Ibn Tejmijes dhe Ibn Haxher Eskalanin që e sjell këtë mendim.

Dijetarë të shumtë kishin mendimin se El-Mekam El-Mahmud nënkupton se Allahu subhanehu ue teala, do ta ulë Muhamedin alejhi selam në Arshin e Tij. Fjalët e dijetarëve janë të shumta, mirëpo ne do të përmendim disa thjeshtë për të kuptuar se nuk ishte vetëm Ibn Tejmija sikurse e akuzojnë të devijuarit.

Imam Dhehebiu, Allahu e mëshiroftë ka thënë: ''Në mesin e atyre të cilët thonë se transmetimi i Muxhahidit duhet të pranohet dhe të mos kundërshtohet janë: Abas Ibn Muhamed Ed-Dauri El-Hafidhi, Jahja Ibn Ebi Talib El-Muhadithi, Muhamed Ibn Ismail Es-Sulemi Et-Tirmidhiu El-Hafidhi, Ebu Xhafer Muhamed Ibn Abdul Malik Ed-Dakiki, Ebu Davud Sulejman Ibn El-Eshe'th Es-Sixhistani autori i Es-Sunnetit (autori i librit ''Suneni i Ebu Davudit''), Imami i kohës së tij Ibrahim Ibn Is'hak El-Harbi, Hafidh Ebu Kilabe Abdul Malik Ibn Muhamed Er-Rikashi, Hamdan Ibn Ali El-Uerak El-Hafidhi dhe një grup i njerëzve të tjerë nga Ulematë e Sunnetit.''2

Imam Dhehebiu, ka thënë: ''Shpjegimi që Muxhahidi i ka dhënë këtij ajeti, sikurse e përmendëm më lartë është kundërshtuar nga disa prej dijetarëve. El-Mirvezi (nxënës i Imam Ahmed Ibn Hanbelit) është munduar shumë që ta mbrojë këtë qëndrim (të Muxhahidit), dhe ai ka përpiluar një libër në lidhje me këtë çështje...''3

Imam Ibn Abdul Berri, Allahu e mëshiroftë edhe pse e kundërshton thënien e Imam Muxhahidit e pranon se këtë thënie e ka thënë Imam Muxhahidi, pra pse askush nuk i akuzon këta Imam që i kanë thënë këto fjalë?!4

Në transmetime të tjera të shumta, përmenden thëniet e imamëve të cilët kishin besimin se El-Mekam El-Mahmud do të thotë se Allahu do ta ulë Pejgamberin në Arshin e Tij në Ditën e Gjykimit, si: Imam Muxhahidi, Seid Ibn Ijas El-Xhurejri, Imami i Ehli Sunnetit Ahmed Ibn Hanbeli, Ebu Xhafer Muhamed Ibn Abdul Malik Ed-Dekiki, Harun Ibn Marufi, Abdul Vehab El-Veraku, Is'hak Ibn Ravejh, Ebu Davud Es-Sixhistani, Muhamed Ibn Mus'abi, Ibrahim Ibn Matuvejh El-Esbahani, Ebu Kilabe Er-Rikashi, Ali Ibn Sehl El-Bezazi, Ebu Ubejd El-Kasim Ibn Selami, Abas Ibn Muhamed Ed-Deuri, Ebu Bekr El-Axhuri, Abdullah Ibn Ahmed Ibn Hanbeli e shumë dijetarë të tjerë.

Të gjitha thëniet e këtyre imamëve dhe të tjerëve mund të gjenden në librat: ''Et-Temhid''; ''El-Uluv'', ''Esh-Sheriah''; ''Tabekat El-Hanabile''; ''Es-Sunneh'' nga Imam Halali dhe nga Imam Abdullah Ibn Ahmed Ibn Hanbeli'';  ''Ibtal Et-Teuilat'' etj.

Shkruar nga: Jetmir Jakupi

1. ''Fet'h El-Bari'', Kitab El-Edhan, hadithi 614.
2. ''El-Uluv'', 1/194.
3. ''El-Uluv'', 2/1081-1090, nr.422-426.
4. ''Et-Temhid'', 7/157.

Çfarë thotë Ibn Tejmija në lidhje me hadithin se i Dërguari i Allahut do të ulet në Arsh?

Çfarë thotë Ibn Tejmija në lidhje me hadithin se i Dërguari i Allahut do të ulet në Arsh?

Shejhul Islam Ibn Tejmije, Allahu e mëshiroftë, ka thënë: ''Hadithi në lidhje me atë se i Dërguari (salallahu alejhi ue selem) ulet në Arsh është transmetuar nga një numër i njerëzve nëpërmjet shumë senedeve (zinxhirëve) merfu (domethënë që i janë atribuar Profetit salallahu alejhi ue selem), por të gjitha ato janë meudu (të shpikura).''

Imam Dhehebiu, Allahu e mëshiroftë, ka thënë: ''Asnjë tekst në lidhje me çështjen e Profetit tonë se do të ulet në Arsh nuk është vërtetuar (saktësuar); ka një transmetim të pavlefshëm (të kotë) në lidhje me këtë çështje.''

Burimi: ''Dar Te'arud El-Akl ue'n-Nakl'', 3/19 nga Shejhul Islam Ibn Tejmije dhe ''El-Uluv'', 2/1081, nr.422 nga Imam Dhehebiu.

Përktheu: Jetmir Jakupi

Vazhdim i tekstit: Në cilin libër Ibn Tejmija ka thënë se Allahu është ulur në Arshin e Tij dhe se Ai ka lënë vend ku do të ulet Profeti?

Vazhdim i tekstit: Në cilin libër Ibn Tejmija ka thënë se Allahu është ulur në Arshin e Tij dhe se Ai ka lënë vend ku do të ulet Profeti?

Shejh Mahmud Shukri El-Alusi, është përgjigjur detajisht në lidhje me këtë çështje mirëpo ne do të përmendim vetëm fjalët që Shejhu i sjellë nga vetë librat e Shejhul Islam Ibn Tejmijes i cili në ''Err-Risale Et-Tedmurije'', ka thënë: ''Ndjekësi i iluzioneve mendon se kur përshkrimi është ''Ai Istiva (u ngrit) mbi Arsh'', atëherë Istivaja është sikurse Istivaja e një njeriu mbi një anije ose mbi kafshë sikurse Allahu thotë: ''Dhe Ai që krijoi të gjitha llojet (çiftet) dhe ju mundësoi të udhëtoni hipur në anije ose në kafshë. Që të mund ju lehtë të uleni mbi shpinën e tyre.'' (El-Zuhruf, 12-13).
Ai (ndjekësi i iluzioneve) mendon se kur Allahu është ngritur dhe lartësuar mbi Arsh, nënkupton se Allahu ka nevojë për Arshin sikurse njeriu ka nevojë për anijet dhe kafshët për t'u ulur, Allahu është i Lartësuar (dhe i Pastër) nga gjithë ky (shpjegim) i rremë (i pavërtetë).''

Pastaj vazhdon Shejh Mahmud Shukri El-Alusi dhe përmend nga fjalët e Shejhul Islam Ibn Tejmijes, nga po i njëjti libër: ''Është e ditur se Allahu teala nuk ka nevojë për krijesat. Ai është Krijues i Arshit dhe gjërave të tjera. Çdo gjë është e varur nga Ai, Ai nuk është i varur nga ndonjë gjë, atëherë si ka mundësi që dikush të besojë se kur Ai është ngritur dhe lartësuar mbi Arsh, se Ai pastaj ka nevojë për Arshin? Allahu është i Lartësuar (dhe i Pastër) nga thëniet e këtyre zullumqarëve, kushdo që mendon kështu është injorant dhe në rrugë të gabuar.''2

Burimi: ''Ghajetul Ameni fi red ala en-Nabheni'', 1/628.

Përktheu: Jetmir Jakupi

1. Vazhdim i pjesës së parë: http://jetmirjakupi.blogspot.mk/2016/09/ne-cilin-liber-ibn-tejmija-ka-thene-se.html
2. Për më gjërësisht nga vetë librat e Shejhul Islam Ibn Tejmijes, Allahu e mëshiroftë mund të lexoni në këtë link: http://jetmirjakupi.blogspot.mk/2014/03/kur-selefet-dhe-imamet-e-sunnetit-thone.html
3. Në temën të cilën do ta postojmë ditëve në vazhdim do të përmendim thëniet e disa dijetarëve të cilët kanë folur rreth kësaj çështje. (Shpjegim i Përkthyesit).

Në cilin libër Ibn Tejmija ka thënë se Allahu është ulur në Arshin e Tij dhe se Ai ka lënë vend ku do të ulet Profeti?

Në cilin libër Ibn Tejmija ka thënë se Allahu është ulur në Arshin e Tij dhe se Ai ka lënë vend ku do të ulet Profeti?

Shejh Mahmud Shukri El-Alusi, Allahu e mëshiroftë në kritikën e Sufiut Nabheni drejtuar Shejhul Islam Ibn Tejmijes se gjoja ai ka thënë: ''Allahu është ulur në Arshin e Tij dhe Ai ka lënë një vend për Profetin Muhamed salallahu alejhi ue selem, i cili do të ulet me Të, sikurse Ebu Hajani e ka përmendur në tefsirin e tij.''

Ka thënë Shejh Mahmud Shukri El-Alusi: ''Në cilin libër Ai (Shejhul Islam Ibn Tejmija Vetë) ka thënë se Allahu është ulur në Arshin e Tij dhe se Ai ka lënë një vend në të cilin Profeti salallahu alejhi ue selem, do të ulet? Në cilin libër Shejh Ebu Hajani e ka parë këtë?''1

Burimi: ''Ghajetul Ameni fi red ala en-Nabheni'', 1/628.

Përktheu: Jetmir Jakupi

1. Shejh Mahmud Shukri El-Alusi, Allahu e mëshiroftë është përgjigjur më detajisht në lidhje me këtë çështje të cilën do e publikojmë ditëve në vazhdim in shaa Allah. (Shpjegim i Përkthyesit).

Thënia 'Alejhi Selam' dhe 'KerremAllahu Uexhhehu' veçanërisht për Ali Ibn Ebi Talibin dhe Ehli Bejtin

Thënia 'Alejhi Selam' dhe 'KerremAllahu Uexhhehu' veçanërisht për Ali Ibn Ebi Talibin dhe Ehli Bejtin

Në lidhje me këtë çështje dijetarët janë ndarë në mendime se a lejohet përdorimi i këtyre fjalëve ndaj dikujt tjetër jashta Pejgamberëve të Allahut, dhe e vërteta është se kjo fjalë nuk është përdorur vetëm për Ali Ibn Ebi Talibin dhe Ehli Bejtin radiallahu anhum, por edhe për sahabë të tjerë. Më saktë ajo që e kanë thënë dijetarët e Ehli Sunnetit është se nëse duhet të përdoren fjalë të tilla për dikë, atëherë më primare është të përdoren për Ebu Bekrin, Omer Ibn Hattabin dhe Uthman Ibn Affanin radiallahu anhum, të cilët janë më meritor se sa Ali Ibn Ebi Talibi radiallahu anhu.

Imam Ibn Kethiri, Allahu e mëshiroftë ka thënë: ''Kjo frazë është përdorur shumë nga shkruesit të cilët kanë transkriptuar libra në të cilin fraza 'alejhi selam (paqja qoftë mbi të) është përdorur për Aliun (radiallahu anhu), me përjashtim të Sahabëve të tjerë, ose janë përdorur fjalët ''KerremAllahu uexhhehu''.
Ndonëse kuptimi është i pranueshëm, ne duhet t'i respektojmë të gjithë Sahabët në mënyrë të barabartë në këtë mënyrë, sepse kjo është një lloj i nderimit dhe i respektimit, dhe dy Shejhat (Ebu Bekri dhe Omer Ibn Hattabi) dhe Prijësi i Besimtarëve Uthmani janë më meritor për këtë - Allahu qoftë i kënaqur me të gjithë ata.''1

Disa dijetarë kanë thënë se arsyeja e ndalimit të përdorimit të këtyre frazave për dikë nga sahabët është që të mos përngjasojmë me Shijat të cilët në këtë formë e veçojnë Ali Ibn Ebi Talibin dhe Ehli Bejtin radiallahu anhum.2

Mirëpo shprehje të tilla janë përdorur edhe për shumë sahabë jashta Ehli Bejtit, sikurse për Ebu Bekrin, Omer Ibn Hattabin, për Ebu Aufën radiallahu anhum. Është përdorur edhe për disa nga gratë e Profetit salallahu alejhi ue selem, si për Aishen, Hadixhen dhe Hafsën radiallahu anhuma.
Të gjitha këto i transmetojnë Muslimi, Darekutni, Ibn Kethiri, Hatib El-Bagdadi, Ibn Tejmija, Ibn Sa'di, Ebu Davudi, Ibn Haxheri e të tjerë.

Shkruar nga: Jetmir Jakupi

1. ''Tefsir Ibn Kethir'', 3/517.
2. ''Muxhem El-Menehi El-Lefzijah'', fq.454, nga Shejh Bekr Ebu Zejdi, Allahu e mëshiroftë.

Shejhul Islam Ibn Tejmije dhe Imam Ebu Hanifja, Allahu i mëshiroftë

Shejhul Islam Ibn Tejmije dhe Imam Ebu Hanifja, Allahu i mëshiroftë

Prej dijetarëve që nuk ka qenë Hanefi e që më së shumti e ka mbrojtur Imam Ebu Hanifen, Allahu e mëshiroftë ka qenë Shejhul Islam Ibn Tejmija, megjithatë i sheh ata që pretendojnë se janë Hanefi të nxjerrin vrer kundër tij.

Shejhul Islam Ibn Tejmije, Allahu e mëshiroftë, ka thënë: ''Nuk ka asnjë dyshim në lidhje me diturinë e Imam Ebu Hanifes (Allahu e mëshiroftë). Njerëzit më vonë i kanë atribuar shumë gënjeshtra Imam Ebu Hanifes, të cilat ishin të gjitha të pavërteta. Qëllimi i shkrimeve të tilla ishte që të njollosin Imam Ebu Hanifen.'' (''Minhexh El-Sunneh El-Nebeuije'', vëll.1, fq.259).

Shkruar nga: Jetmir Jakupi

Njerëzit e Hakut nuk bëjnë tekfir mbi bidatçitë

''Njerëzit e Hakut nuk bëjnë tekfir mbi bidatçitë.''

Shejh Mahmud Shukri El-Alusi, Allahu e mëshiroftë, në ''Ghajetul Ameni fi red ala en-Nabheni'', 1/43.

Përktheu: Jetmir Jakupi

Sikur të mundeshim ne që t'ju kushtonim aq shumë vëmendje fëmijëve tanë ashtu siç iu kushtojmë vëmendje telefonave tanë?!

''Sikur të mundeshim ne që t'ju kushtojmë aq shumë vëmendje fëmijëve tanë ashtu siç iu kushtojmë vëmendje telefonave tanë?!''

Përktheu: Jetmir Jakupi

Sot pyesin për paswordin e wirelessit!

''Në të kaluarën kur një mysafir do të hynte në shtëpinë tonë do të pyeste për drejtimin e kibles, ndërsa sot pyesin për fjalëkalimin (paswordin) e wirelessit!''

Përktheu: Jetmir Jakupi

Unë luaj me zemërimin e njeriut sikurse një fëmijë luan me një top

Iblisi (Shejtani): ''Unë luaj me zemërimin e njeriut sikurse një fëmijë luan me një top.''

Burimi: ''Meke'id El-Shejtan'', 59/38.

Përktheu: Jetmir Jakupi

A nuk të vjen turp ty që kurrë nuk fal asnjë namaz?!

Një djalë i ri me Sindromin Daun duke qarë ndërsa është duke bërë dua për këtë Ummet. Allahu subhanehu ue teala, ua largoftë vuajtjet dhe brengat muslimanëve.

A nuk të vjen turp ty që kurrë nuk fal asnjë namaz?!

Shkruar nga: Jetmir Jakupi

Atëherë ju nuk jeni duke iu dhënë atyre asgjë

''Ju mund t'ua jepni fëmijëve tuaj të gjitha 'gjërat' në Dunja, por nëse ju nuk jeni duke ua dhënë atyre fenë, atëherë ju nuk jeni duke iu dhënë atyre asgjë.''

Përktheu: Jetmir Jakupi

Gjëja më e rëndësishme është që të bëhesh njeri i mirë

''Ti mund të bëhesh gjithçka në jetë, por gjëja më e rëndësishme është që të bëhesh njeri i mirë.''

Përktheu: Jetmir Jakupi